幸福人生

《幸福人生》Hīng-hok Jîn-sing
江蕙Kang Huī
——————————————
做一个現代女性真光榮
tsuè tsi̍t-ê hiān-tāi lú-sìng tsin kong-îng
美男子攏嘛為伊真競爭
bí-lâm-tsú lóng-mā uī i tsin kīng-tsing
有啥物背景
ū siánn-mih puē-kíng
有啥物本領
ū siánn-mih pún-líng
到底伊靠啥食穿啊
tàu-té i khò siánn tsia̍h-tshīng–ah

聽人講現代流行的愛情
thiann lâng kóng hiān-tāi liû-hîng ê ài-tsîng
免註冊
bián tsù-tsheh
牽手來去蜜月旅行
khan-tshiú lâi-khì bi̍t-gua̍t lú-hîng
免啥人命令
bián siánn-lâng bīng-līng
免啥人公證
bián siánn-lâng kong-tsìng
幸福就交託伊手頂
hīng-hok tiō kau-thok i tshiú-tíng

原來
guân-lâi
有人遐爾天真
ū-lâng hiah-nī thian-tsin
遐爾逍遙
hiah-nī siau-iâu
以為這是浪漫一生
í-uî tse sī lōng-bān it-sing
年久月深
nî-kú-gue̍h-tshim
才來發現
tsiah lâi huat-hiān
已經是浪費一生
í-king sī lōng-huì it-sing

有人問起阮的愛情
ū-lâng mn̄g khí gún ê ài-tsîng
才知不幸
tsiah tsai put-hīng
怎樣佮人論行情
tsuánn-iūnn kah lâng lūn hâng-tsîng
愛需要經營
ài su-iàu king-îng
嘛需要天來牽成
mā su-iàu thinn lâi khan-sîng
這才是幸福人生
tse tsiah-sī hīng-hok jîn-sing