今夜有約會

《今夜有約會》Kim-iā Ū Iok-huē
江蕙Kang Huī
——————————————
接著一通愛的電話
tsiap-tio̍h tsi̍t-thong ài ê tiān-uē
予阮規工開心花
hōo gún kui kang khui sim-hue
時間哪會遐慢過
sî-kan ná ē hiah bān kuè
阮下暗有約會
gún e-àm ū iok-huē

阮穿著一雙新鞋
gún tshīng tio̍h tsi̍t-siang sin ê
也歡喜也歹勢
iā huann-hí iā pháinn-sè
已經等待幾若工
í-king tán-thāi kuí-lō kang
等待伊來相揣
tán-thāi i lâi sio-tshuē

自從熟似的頭一工
tsū-tsiông si̍k-sāi ê thâu tsi̍t-thinn
阮的心情齊輕鬆
gún ê sim-tsîng tsiâu khin-sang
日日思夜夜夢
ji̍t-ji̍t su iā-iā bāng
為伊心茫茫
uī i sim bâng-bâng

欲約會
beh iok-huē
甜蜜在阮心底
tinn-bi̍t tsāi gún sim-té
欲約會
beh iok-huē
望伊真心交陪
bāng i tsin-sim kau-puê

時間嘛一直過
sî-kan mā it-ti̍t kuè
期待何時再相會
kî-thāi hô-sî tsài siong-huē
想著伊的純情話
siūnn-tio̍h i ê sûn-tsîng uē
阮規暗無睏
gún kui àm bô khùn
嘛無問題
mā bô būn-tê