簡單的情歌
《簡單的情歌》Kán-tan ê Tsîng-kua
江志豐Kang Tsì-hong
——————————————
越頭看咱的愛情路
ua̍t-thâu khuànn lán ê ài-tsîng-lōo
慢慢累積的幸福
bān-bān luí-tsik ê hīng-hok
今日看你的面容
kim-ji̍t khuànn lí ê bīn-iông
歡喜中摻著悲傷
huann-hí tiong tsham tio̍h pi-siong
離開你的家
lī-khui lí ê ke
以後有我
í-āu ū guá
我欲予你
guá beh hōo lí
全世界的滿足佮快樂
tsuân sè-kài ê buán-tsiok kah khuài-lo̍k
寫一條簡單的情歌
siá tsi̍t-tiâu kán-tan ê tsîng-kua
紀錄著咱的生活
kì-lo̍k tio̍h lán ê sing-ua̍h
過去有時會孤單
kuè-khì ū-sî ē koo-tuann
從此有你的陪伴
tsiông-tshú ū lí ê puê-phuānn
唱一條簡單的情歌
tshiùnn tsi̍t-tiâu kán-tan ê tsîng-kua
你敢願意嫁予我
lí kám guān-ì kè hōo guá
免驚以後咱食老
bián-kiann í-āu lán tsia̍h-lāu
牽你的手
khan lí ê tshiú
叫一聲心肝仔
kiò tsi̍t-siann sim-kuann-á