我放開你的手

《我放開你的手》Guá Pàng-khui Lí ê Tshiú

江志豐Kang Tsì-hong

——————————————

想袂出任何一句話

siūnn buē-tshut jīm-hô tsi̍t-kù uē

會當向你解說

ē-tàng hiòng lí kái-sueh

你一直蹛佇我心底

lí it-ti̍t tuà tī guá sim-té

秋風又輕輕仔

tshiu-hong iū khin-khin-á

輕輕咧吹

khin-khin teh tshue

到底啥物

tàu-té siánn-mih

造成咱遮濟的問題

tsō-sîng lán tsiah tsuē ê būn-tê

愛佮恨

ài kah hūn

毋是一句話

m̄-sī tsi̍t-kù uē

你我攏有體會

lí guá lóng ū thé-huē

放袂記

pàng-buē-kì

無遐爾聳勢

bô hiah-nī sáng-sè

只要有愛過

tsí-iàu ū ài–kuè

心就會綴愛去飛

sim tiō ē tuè ài khì pue

就予我來承擔

tiō hōo guá lâi sîng-tam

所有思念的罪

sóo-ū su-liām ê tsuē

我放開你的手

guá pàng-khui lí ê tshiú

也放開你的溫柔

iā pàng-khui lí ê un-jiû

就算予你怨嘆怨恨

tiō-sǹg hōo lí uàn-thàn uàn-hūn

我甘願全部攏接受

guá kam-guān tsuân-pōo lóng tsiap-siū

請你放開你的手

tshiánn lí pàng-khui lí ê tshiú

請保護你這馬的岫

tshiánn pó-hōo lí tsit-má ê siū

用我的性命

iōng guá ê sìnn-miā

換你幸福的自由

uānn lí hīng-hok ê tsū-iû

我放手

guá pàng-tshiú