心驚

《心驚》Sim Kiann

江志豐Kang Tsì-hong

——————————————

夜半蓋的這條被單

iā-puànn kah ê tsit tiâu phuē-tuann

燒燒親像你咧陪伴

sio-sio tshin-tshiūnn lí teh puê-phuānn

抱著枕頭當做你陪我

phō tio̍h tsím-thâu tòng-tsuè lí puê guá

只有家己欺騙心肝

tsí-ū ka-tī khi-phiàn sim-kuann

一夜一夜

tsi̍t-iā-tsi̍t-iā

露水的折磨

lōo-tsuí ê tsiat-buâ

一日一日

tsi̍t-ji̍t-tsi̍t-ji̍t

當做你的樹影

tòng-tsuè lí ê tshiū-iánn

陣陣的心驚

tsūn-tsūn ê sim kiann

照著一面鏡

tsiò tio̍h tsi̍t-bīn kiànn

一塊一塊

tsi̍t-tè-tsi̍t-tè

醉成孤單

tsuì sîng koo-tuann

破碎的心驚

phò-tshuì ê sim kiann

寫做一條歌

siá tsuè tsi̍t-tiâu kua

目屎墜落

ba̍k-sái tuī–lo̍h

是這首歌的聲

sī tsit siú kua ê siann

遠遠聽見

hn̄g-hn̄g thiann-kìnn

你叫我的名

lí kiò guá ê miâ

原來是窗外

guân-lâi sī thang-guā

野鳥的聲

iá-tsiáu ê siann