感恩的滋味

《感恩的滋味》Kám-un ê Tsu-bī

向蕙玲Hiòng Huī-lîng

——————————————

天頂天頂的流星

thinn-tíng thinn-tíng ê liû-tshinn

月光月光的暗暝

gue̍h-kng gue̍h-kng ê àm-mî

繁華過盡的城市

huân-huâ kuè tsīn ê siânn-tshī

人生無常的覺醒

jîn-sing bû-siông ê kak-tshínn

懷念阿母的頭一工

huâi-liām a-bú ê thâu-tsi̍t-kang

初戀結束的彼一暝

tshoo-luân kiat-sok ê hit tsi̍t-mî

平凡四常的早起

pîng-huân sù-siông ê tsái-khí

目屎滴完的勇氣

ba̍k-sái tih uân ê ióng-khì

平平凡凡每一工

pînn-pînn-huân-huân muí tsi̍t-kang

滴滴答答的雨水

tih-tih-tah-tah ê hōo-tsuí

恬恬我望向天邊

tiām-tiām guá bāng hiòng thinn-pinn

我攑頭看見

guá gia̍h-thâu khuànn-kìnn

我人生的歌詩

guá jîn-sing ê kua-si

啊~我起起落落

ah~ guá khí-khí-lo̍h-lo̍h

認真的記持

jīn-tsin ê kì-tî

攏有感恩的滋味

lóng ū kám-un ê tsu-bī

雄雄我看著家己

hiông-hiông guá khuànn-tio̍h ka-kī

我為誰相思

guá uī siáng siunn-si

我目屎流袂離

guá ba̍k-sái lâu buē-lī

啊~我痴情感動

ah~ guá tshi-tsîng kám-tōng

無知佮情義

bô-ti kah tsîng-gī

攏是感恩的滋味

lóng-sī kám-un ê tsu-bī

感恩的滋味

kám-un ê tsu-bī

攏為著你

lóng uī-tio̍h lí

—

攏是為你

lóng-sī uī lí