人生的命運

《人生的命運》Jîn-sing ê Ūn-miā

伍百萬Ngōo-pah-bān

——————————————

為著前程

uī-tio̍h tsiân-tîng

才來出外

tsiah tshut-guā

忍受霜風寒

jím-siū sng-hong kuânn

看人有地位

khuànn lâng ū tē-uī

看人有名聲

khuànn lâng ū miâ-siann

自恨自嘆咱的命

tsū-hūn tsū-thàn lán ê miā

人生著愛照理行

jîn-sing tio̍h-ài tsiàu lí kiânn

用心計較無較縒

iōng-sim kè-kàu bô-khah-tsua̍h

何必自嘆歹命囝

hô-pit tsū-thàn pháinn-miā-kiánn

提出著勇氣

the̍h tshut tio̍h ióng-khì

向前行

hiòng-tsiân kiânn

命運毋是天來註定

miā-ūn m̄-sī thinn lâi tsù-tiānn

自己愛拍拚

tsū-kí ài phah-piànn

成功免得意

sîng-kong bián tik-ì

失敗免驚惶

sit-pāi bián kiann-hiânn

是好是歹咱的命

sī hó sī pháinn lán ê miā

只要心頭扞予定

tsí-iàu sim-thâu huānn hōo tiānn

總會轉變咱運命

tsóng ē tsuán-piàn lán ūn-miā

毋管人生路坎坷

m̄-kuán jîn-sing lōo khám-khia̍t

提出著信心

the̍h tshut tio̍h sìn-sim

向前行

hiòng-tsiân kiânn