飄浪
《飄浪》Phiau-lōng
王識賢Ông Sik-hiân
——————————————
阮叫做悲傷
gún kiò-tsuè pi-siong
啥人會知
siánn-lâng ē tsai
過去毋免講
kuè-khì m̄-bián kóng
是虛情假愛
sī hi-tsîng ké-ài
滾絞心內
kún-ká sim-lāi
欲哭無目屎
beh khàu bô ba̍k-sái
心包覆相思
sim pau-hok siunn-si
沾滿風霜
tsiam buán hong-song
墜落無情海
tuī-lo̍h bô-tsîng hái
徘徊等待
pâi-huê tán-thāi
又看無未來
iū khuànn-bô bī-lâi
針揻如風
tsiam ui jû hong
陪阮飄浪
puê gún phiau-lōng
伴阮走傱
phuānn gún tsáu-tsông
忍受寂寞
jím-siū tsi̍k-bo̍k
思慕像雨
su-bōo tshiūnn hōo
沃酸淋苦
ak sng lâm khóo
驚惶旅途
kiann-hiânn lú-tôo
蹽江浸湖
liâu kang tsìm ôo
怨阮糊塗
uàn gún hôo-tôo
恨你太雄
hūn lí thài hiông
手腕玲瓏
tshiú-uánn lîng-lông
逼阮掠狂
pik gún lia̍h-kông
事到如今
sū kàu jû-kim
心口難服
sim-kháu lân ho̍k
啥人還阮天公地道
siánn-lâng hîng gún thinn-kong tē-tō
啊~敢講只有
ah~ kám-kóng tsí-ū
溫暖的太陽
un-luán ê thài-iông
陪伴阮飄浪的行蹤
puê-phuānn gún phiau-lōng ê hîng-tsong