頭殼疼
《頭殼疼》Thâu-khak Thiànn
王識賢Ông Sik-hiân
——————————————
我若想著遮的
guá nā siūnn-tio̍h tsia–ê
心頭就萎
sim-thâu tiō ui
氣若咧䆀
khuì nā leh bái
罔啉白滾水
bóng lim pe̍h-kún-tsuí
你來看我規身軀的烏青
lí lâi khuànn guá kui-sin-khu ê oo-tshinn
攏是為著社會的正義
lóng-sī uī-tio̍h siā-huē ê tsìng-gī
我咧家婆
guá leh ke-pô
看一个阿桑昏倒在地
khuànn tsi̍t-ê a-sáng hūn-tó tsāi-tē
好心共伊扶起來
hó-sim kā-i hû–khí-lâi
伊講我共挵倒
i kóng guá kā lòng-tó
路邊的人
lōo-pinn ê lâng
直直倚過來
ti̍t-ti̍t uá–kuè–lâi
毋予我辯解
m̄ hōo guá piān-kái
拳頭拇就pi-pí-pa̍h-pa̍h
kûn-thâu-bú tiō pi-pí-pa̍h-pa̍h
一直舂過來
it-ti̍t tsing–kuè-lâi
白賊的社會著愛注意
pe̍h-tsha̍t ê siā-huē tio̍h-ài tsù-ì
愛看鬧熱(的遮濟)著愛細膩
ài khuànn lāu-jia̍t(–ê tsiah tsuē) tio̍h-ài suè-jī
哎唷!連喘氣
aih-ioh! liân tshuán-khuì
攏著愛看天氣
lóng tio̍h-ài khuànn thinn-khì
日頭赤炎炎(焱焱)
ji̍t-thâu tshiah iām-iām(iānn-iānn)
隨人顧性命
suî lâng kòo sìnn-miā
才會食百二
tsiah ē tsia̍h pah-jī
姼仔?咧來去KTV
tshit-á tshuā-leh lâi-khì KTV
我上愛唱悲傷留給家己
guá siōng ài tshiùnn Beishāng Liú Gê Zìjǐ
天色好䆀攏由在伊
thinn-sik hó-bái lóng iû-tsāi i
暗時仔靠我姼仔來改氣
àm-sî-á khò guá tshit-á lâi kái-khuì
路邊的兄哥你瞠啥物
lōo-pinn ê hiann-ko lí tshinn siánn-mih
這款的社會
tsit khuán ê siā-huē
予阮真頭疼
hōo gún tsin thâu-thiànn
善良的百姓
siān-liông ê peh-sìnn
出門毋免紮家私
tshut-mn̂g m̄-bián tsah ke-si
七八條通
tshit- pueh-tiâu-thong
共啉甲死死昏昏去
kā lim kah sí-sí hun-hun khì
—
人阮每擺
lâng gún muí-pái
攏有安慰家己
lóng ū an-uì ka-tī
無驚無驚
bô-kiann bô-kiann
歹空的袂攏綴咱行
pháinn-khang–ê buē lóng tuè lán kiânn
也毋是貧惰
iā m̄-sī pân-tuānn
稅嘛有交
suè mā ū kau
到底我是欲按怎
tàu-té guá sī beh án-tsuánn
人阮每擺
lâng gún muí-pái
攏有安慰家己
lóng ū an-uì ka-kī
免驚免驚
bián-kiann bián-kiann
拚死好䆀有輸贏
piànn-sí hó-bái ū su-iânn
也毋是?蔓
iā m̄-sī lān-muā
行路有風
kiânn-lōo ū hong
到底叫我欲按怎
tàu-té kiò guá beh án-tsuánn
頭殼疼
thâu-khak thiànn
—
人阮每擺
lâng gún muí-pái
攏有安慰家己
lóng ū an-uì ka-tī
無驚無驚
bô-kiann bô-kiann
歹空的袂攏綴咱行
pháinn-khang–ê buē lóng tuè lán kiânn
也毋是貧惰
iā m̄-sī pân-tuānn
稅嘛有交
suè mā ū kau
到底我是欲按怎
tàu-té guá sī beh án-tsuánn
(頭殼疼),(欲按怎)(真頭疼)
(thâu-khak thiànn) (beh án-tsuánn) (tsin thâu-thiànn)
(我真正毋知欲按怎)
(guá tsin-tsiànn m̄-tsai beh án-tsuánn)
(真正真正真正毋知欲按怎)
(tsin-tsiànn tsin-tsiànn tsin-tsiànn m̄-tsai beh án-tsuánn)
(我真正頭殼疼)
(guá tsin-tsiànn thâu-khak thiànn)
