遐爾愛你

《遐爾愛你》Hiah-nī Ài Lí

王識賢Ông Sik-hiân

——————————————

眠床頂的雙人枕頭

bîn-tshn̂g-tíng ê siang-lâng tsím-thâu

有你頭毛的芳味

ū lí thâu-mn̂g ê phang-bī

彼杯已經冷去的咖啡

hit pue í-king líng–khì ê ka-pi

有留著你的胭脂

ū lâu tio̍h lí ê ian-tsi

猶閣有規厝內

iáu koh ū kui tshù-lāi

陪伴我的稀微

puê-phuānn guá ê hi-bî

才知我的心已經碎

tsiah tsai guá ê sim í-king tshuì

寫予我的絕情批信

siá hōo guá ê tsua̍t-tsîng phue-sìn

看完最後一字

khuànn uân tsuè-āu tsi̍t-jī

桌頂彼杯白蘭地

toh-tíng hit pue pe̍h-lân-tī

嘛啉完最後一滴

mā lim uân tsuè-āu tsi̍t-tih

想起著咱彼段

siūnn-khí tio̍h lán hit tuānn

恩恩愛愛的過去

un-un-ài-ài ê kuè-khì

不知不覺

put-ti-put-kak

又流落傷心的淚

iū lâu lo̍h siong-sim ê luī

為啥物我遐爾仔愛你

uī-siánn-mih guá hiah-nī-á ài lí

全然是枉費

tsuân-jiân sī óng-huì

敢是咱的緣份已盡

kám-sī lán ê iân-hūn í tsīn

袂當閣做堆

buē-tàng koh tsuè-tui

為啥物

uī-siánn-mih

我遐爾仔愛你

guá hiah-nī-á ài lí

遐爾仔愛你

hiah-nī-á ài lí

變做一場夢

piàn-tsuè tsi̍t-tiûnn bāng

夢已醒

bāng í tshínn