等你倒轉來
《等你倒轉來》Tán Lí Tò-tńg–lâi
王識賢Ông Sik-hiân
——————————————
勉強留落來
bián-kióng lâu-lo̍h–lâi
想咱的將來
siūnn lán ê tsiong-lâi
為何將感情
uī-hô tsiong kám-tsîng
會當做攏毋捌存在
ē tòng-tsuè lóng m̄-bat tsûn-tsāi
心情遮爾害
sim-tsîng tsiah-nī hāi
遮爾害遮爾害
tsiah-nī hāi tsiah-nī hāi
袂當假做毋知
buē-tàng ké-tsuè m̄-tsai
只是毋甘願
tsí-sī m̄ kam-guān
毋甘願來
m̄ kam-guān lâi
接受你袂閣轉來
tsiap-siū lí buē koh tńg–lâi
無你的厝內
bô lí ê tshù-lāi
心情袂自在
sim-tsîng buē tsū-tsāi
毋甘的目屎
m̄-kam ê ba̍k-sái
是因為你為情受害
sī in-uī lí uī tsîng siū-hāi
愛甲遮無奈
ài kah tsiah bô-nāi
遮無奈遮無奈
tsiah bô-nāi tsiah bô-nāi
害你墜落苦海
hāi lí tuī-lo̍h khóo-hái
才知這款的這款的愛
tsiah tsai tsit khuán ê tsit khuán ê ài
一世人袂當辯解
tsi̍t-sì-lâng buē-tàng piān-kái
等你倒轉來
tán lí tò-tńg–lâi
啊~倒轉來
ah~ tò-tńg–lâi
倒轉來阮的心內
tò-tńg-lâi gún ê sim-lāi
心愛的心愛的你敢知
sim-ài–ê sim-ài–ê lí kám tsai
天因為你才存在
thinn in-uī lí tsiah tsûn-tsāi
等你倒轉來
tán lí tò-tńg–lâi
啊~倒轉來
ah~ tò-tńg–lâi
倒轉來阮的世界
tò-tńg-lâi gún ê sè-kài
毋甘的毋甘的目屎
m̄-kam ê m̄-kam ê ba̍k-sái
因為你
in-uī lí
恬恬閣再流落來
tiām-tiām koh-tsài lâu–lo̍h-lâi
