溫柔城市

《溫柔城市》Un-jiû Siânn-tshī

王識賢Ông Sik-hiân

——————————————

冷清的街路

líng-tshing ê ke-lōo

一陣東北風

tsi̍t-tsūn tang-pak-hong

孤單的心情

koo-tuann ê sim-tsîng

按怎來形容

án-tsuánn lâi hîng-iông

雨暝的城市

hōo-mî ê siânn-tshī

只有夜霧夜朦朦

tsí-ū iā-bū iā bông-bông

滿腹的苦衷

muá-pak ê khóo-thiong

為愛來流浪

uī ài lâi liû-lōng

痴情的男兒

tshi-tsîng ê lâm-jî

你哪會遐爾戇

Lí ná ē hiah-nī gōng

貪戀著溫柔鄉

tham-luân tio̍h un-jiû-hiong

為愛著重傷

uī-ài tio̍h tāng-siong

漂泊的男兒

phiau-po̍k ê lâm-jî

請你莫閣遐爾戇

Tshiánn lí mài koh hiah-nī gōng

愛若是無結局

ài nā-sī bô kiat-kio̍k

親像演袂煞的八點檔

tshin-tshiūnn ián buē-suah ê pueh-tiám-tòng

一句句心酸無地講

tsi̍t-kù-kù sim-sng bô-tè kóng

用虛華度寂寞

iōng hi-hua tōo tsi̍k-bo̍k

只有錢咧做英雄

tsí-ū tsînn teh tsuè ing-hiông

一聲聲怨嘆無路用

tsi̍t-siann-siann uàn-thàn bô-lōo-iōng

等落魄才覺悟

tán lo̍k-phik tsiah kak-ngōo

只有家己愛堅強

tsí-ū ka-kī ài kian-kiông

毋通閣再

m̄-thang koh-tsài

留戀溫柔鄉

liû-luân un-jiû-hiong