最後的雨聲

《最後的雨聲》Tsuè-āu ê Hōo-siann

王識賢Ông Sik-hiân

——————————————

窗外陣陣的落雨聲

thang-guā tsūn-tsūn ê lo̍h-hōo-siann

伴我度過靜靜的夜

phuānn guá tōo-kuè tsīng-tsīng ê iā

枕頭邊的痕跡

tsím-thâu pinn ê hûn-jiah

已經澹了又閣焦

í-king tâm liáu iū-koh ta

只有聽著

tsí-ū thiann-tio̍h

我自己的怨嘆聲

guá tsū-kí ê uàn-thàn siann

偌濟的往事用青春換

guā-tsuē ê óng-sū iōng tshing-tshun uānn

偌濟的夢中有你的名

guā-tsuē ê bāng-tiong ū lí ê miâ

尤其是踮在風雨的夜

iû-kî sī tiàm-tsāi hong-hōo ê iā

想著你

siūnn-tio̍h lí

心內猶是淡薄仔疼

sim-lāi iáu-sī tām-po̍h-á thiànn

前塵往事怎堪回首

tsiân-tîn óng-sū tsuánn kham huê-siú

想的

siūnn–ê

攏是你的形影

lóng-sī lí ê hîng-iánn

分開變成

hun-khui piàn-sîng

咱最後的宿命

lán tsuè-āu ê siok-miā

別人的戲照常搬

pa̍t-lâng ê hì tsiàu-siông puann

咱這齣戲已經定

lán tsit tshut hì í-king tiānn

你是我藏佇心內

lí sī guá tshàng tī sim-lāi

永遠的疼

íng-uán ê thiànn