我愛你上濟

《我愛你上濟》Guá Ài Lí Siōng Tsuē

王識賢Ông Sik-hiân

——————————————

想袂出有啥物代誌

siūnn buē-tshut ū siánn-mih tāi-tsì

比失去你較難過

pí sit-khì lí khah lân-kuè

茫茫的世間

bâng-bâng ê sè-kan

上幸福是有你陪

siōng hīng-hok sī ū lí puê

想袂曉

siūnn buē-hiáu

經過遮濟等待

king-kuè tsiah tsuē tán-thāi

換無山盟海誓

uānn bô san-bîng-hái-sè

心疼到如今

sim thiànn kàu jû-kim

也無想著怨天怨地

iā bô siūnn-tio̍h uàn thinn uàn tē

對你講出心內話

tuì lí kóng-tshut sim-lāi uē

最後一擺向你坦白

tsuè-āu tsi̍t-pái hiòng lí thán-pe̍h

叫我怎樣無放你飛

kiò guá tsuánn-iūnn bô pàng lí pue

你講離開我

lí kóng lī-khui guá

袂反悔

buē huán-hué

心情已經跋入谷底

sim-tsîng í-king pua̍h ji̍p kok-té

這是愛你的代價

tse sī ài lí ê tāi-kè

叫我怎樣心袂怨慼

kiò guá tsuánn-iūnn sim buē uàn-tsheh

一生中我愛你上濟

it-sing-tiong guá ài lí siōng tsuē