悲歡夢

《悲歡夢》Pi-huan Bāng

王識賢Ông Sik-hiân

——————————————

若毋是彼段暗淡

nā-m̄-sī hit tuānn àm-tām

哪有阮今日的夢

ná-ū gún kim-ji̍t ê bāng

雖然是心內的夢

sui-jiân sī sim-lāi ê bāng

踮在冷冷暖暖世間

tiàm tsāi líng-líng-luán-luán sè-kan

遮爾平凡

tsiah-nī pîng-huân

對對雙雙心愛的人

tuì-tuì siang-siang sim-ài ê lâng

思思念念等伊回航

su-su-liām-liām tán i huê-hâng

情海茫茫

tsîng-hái bâng-bâng

敢是註定的悲歡

kám-sī tsù-tiānn ê pi-huan

是是非非啥人承擔

sī-sī-hui-hui siánn-lâng sîng-tam

恩恩怨怨怎樣來放

un-un-uàn-uàn tsuánn-iūnn lâi pàng

風風雨雨

hong-hong-ú-ú

哪通戲弄多情的人

ná thang hì-lāng to-tsîng ê lâng

無怨命

bô uàn miā

往事嘛毋敢聽

óng-sū mā m̄-kánn thiann

過去的拖磨

kuè-khì ê thua-buâ

全部在今夜

tsuân-pōo tsāi kim-iā

一刀斬予做兩段

tsi̍t to tsám hōo tsuè nn̄g-tuānn

就無牽掛

tiō bô khian-kuà

咱今後的生活

lán kim-āu ê sing-ua̍h

有你通陪伴

ū lí thang puê-phuānn

創造另一段

tshòng-tsō līng tsi̍t-tuānn

全新的運命

tsuân-sin ê ūn-miā