心事
《心事》Sim-sū
王瑞霞Ông Suī-hâ
——————————————
心情為何遮沉重
sim-tsîng uī-hô tsiah tîm-tāng
為何揣無阮的夢
uī-hô tshuē-bô gún ê bāng
阮對你的心
gún tuì lí ê sim
佮別人無仝款
kah pa̍t-lâng bô kāng-khuán
天色已經漸漸重
thinn-sik í-king tsiām-tsiām tāng
只好對天來怨嘆
tsí-hó tuì thinn lâi uàn-thàn
一場夢
tsi̍t-tiûnn bāng
如今已經變成空
jû-kim í-king piàn-sîng khang
心事毋知對佗藏
sim-sū m̄-tsai tuì toh tshàng
痴情猶原一場夢
tshi-tsîng iu-guân tsi̍t-tiûnn bāng
敢講你的心
kám-kóng lí ê sim
已經愛著別人
í-king ài-tio̍h pa̍t-lâng
是阮害你目箍紅
sī gún hāi lí ba̍k-khoo âng
害你為阮心疼痛
hāi lí uī gún sim thiànn-thàng
到如今
kàu jû-kim
才會失去你的人
tsiah ē sit-khì lí ê lâng
茫茫渺渺的世間
bông-bông-biáu-biáu ê sè-kan
毋願孤單一个人
m̄-guān koo-tuann tsi̍t-ê-lâng
無奈阮的感情
bô-nāi gún ê kám-tsîng
放遮爾重
pàng tsiah-nī tāng
茫茫渺渺的世間
bông-bông-biáu-biáu ê sè-kan
猶原愛你一个人
iu-guân ài lí tsi̍t-ê lâng
咱的感情
lán ê kám-tsîng
敢講已經無希望
kám-kóng í-king bô hi-bāng
—
茫茫渺渺的世間
bông-bông-biáu-biáu ê sè-kan
猶原愛你一个人
iu-guân ài lí tsi̍t-ê lâng
咱的感情
lán ê kám-tsîng
敢講已經無希望
kám-kóng í-king bô hi-bāng
