囡仔伴

https://www.youtube.com/watch?v=CnjbUisX5FM&fbclid=IwAR20ieir_-urjY63CMxamXgk_5xnARKFhLEcOZ78dOfxnk-xLDoU_6S5taE

《囡仔伴》Gín-á-phuānn

王識賢Ông Sik-hiân

——————————————

故鄉的囡仔伴

kòo-hiong ê gín-á-phuānn

請問咱有偌久無看

tshiánn-mn̄g lán ū guā kú bô khuànn

日子過了如何

ji̍t-tsí kuè-liáu jû-hô

我佇遙遠的所在問好

guá tī iâu-uán ê sóo-tsāi mn̄g-hó

最親最愛我的知己

tsuè tshin tsuè ài guá ê ti-kí

你的心敢有聽見

lí ê sim kám ū thiann-kìnn

無論你佇佗位

bô-lūn lí tī tó-uī

著愛保重家己

tio̍h-ài pó-tiōng ka-tī

我講我的朋友啊

guá kóng guá ê pîng-iú–ah

人生本來就像一齣戲

jîn-sing pún-lâi tiō tshiūnn tsi̍t-tshut hì

咱鬥陣的記持

lán tàu-tīn ê kì-tî

燦爛你我快樂人生

tshàn-lān lí guá khuài-lo̍k jîn-sing

享受少年時的光陰

hiáng-siū siàu-liân-sî ê kong-im

珍惜每一段過程

tin-sioh muí tsi̍t-tuānn kuè-tîng

咱友情比海深

lán iú-tsîng pí hái tshim

情義閣較堅定

tsîng-gī koh-khah kian-tīng

細漢的伴

sè-hàn ê phuānn

青春的夢

tshing-tshun ê bāng

刻佇阮心內是永遠

khik tī gún sim-lāi sī íng-uán

你的笑聲

lí ê tshiò-siann

阮的歌聲

gún ê kua-siann

逍遙自在使人懷念

siau-iâu tsū-tsāi sú-lâng huâi-liām

春夏秋冬

tshun-hā tshiu-tang

佇每一工

tī muí tsi̍t-kang

一段故事是一種紀念

tsi̍t-tuānn kòo-sū sī tsi̍t-tsióng kì-liām

一人一半

tsi̍t-lâng tsi̍t-puànn

感情袂散

kám-tsîng buē suànn

無分你佮我

bô hun lí kah guá

這世人有你

tsit-sì-lâng ū lí

無遺憾

bô uî-hām