問世間

《問世間》Mn̄g Sè-kan

王識賢Ông Sik-hiân

——————————————

真心所愛彼个人

tsin-sim sóo ài hit ê lâng

伊欲要求

i beh iau-kiû

佮我分西東

kah guá hun se-tang

阮毋知佗位

gún m̄-tsai tó-uī

袂得照願望

buē-tit tsiàu guān-bāng

也無違背青春的花欉

iā bô uî-puē tshing-tshun ê hue-tsâng

毋甘看你遮為難

m̄-kam khuànn lí tsiah uî-lân

明知你的心內有別人

bîng-tsai lí ê sim-lāi ū pa̍t-lâng

這段情

tsit tuānn tsîng

請你留咧做紀念

tshiánn lí lâu leh tsuè kì-liām

因為今生袂閣愛啥人

in-uī kim-sing buē koh ài siánn-lâng

問世間

mn̄g sè-kan

所有反背愛情的人

sóo-ū huán-puē ài-tsîng ê lâng

恁的咒誓

lín ê tsiù-tsuā

恁的欺騙

lín ê khi-phiàn

為何講甲遐爾輕鬆

uī-hô kóng kah hiah-nī khin-sang

問世間

mn̄g sè-kan

一切為情所苦的人

it-tshè uī tsîng sóo khóo ê lâng

咱的心疼

lán ê sim-thiànn

無人心疼

bô-lâng sim thiànn

總是愛袂過三冬五冬

tsóng-sī ài buē kuè sann-tang-gōo-tang

所有愛情的戲弄

sóo-ū ài-tsîng ê hì-lāng

所有痴心的戀夢

sóo-ū tshi-sim ê luân-bāng

從今以後

tsiông-kim í-āu

無論你欲反背誰

bô-lūn lí beh huán-puē siáng

請你莫閣創治失戀人

tshiánn lí mài koh tshòng-tī sit-luân-lâng