兩輪轎車
《兩輪轎車》Nn̄g-lián Kiau-tshia
王識賢Ông Sik-hiân
——————————————
多變的天氣
to-piàn ê thinn-khì
冷冷的春天
líng-líng ê tshun-thinn
你我來到酒醉的城市
lí guá lâi-kàu tsiú-tsuì ê siânn-tshī
懵懂的笑容
bóng-tóng ê tshiò-iông
罩霧的青春
tà-bū ê tshing-tshun
輕輕催起沉重的油門
khin-khin tshui khí tîm-tāng ê iû-mn̂g
啊~敢是路傷過長
ah~ kám-sī lōo siunn-kuè tn̂g
抑是你的心情
ia̍h-sī lí ê sim-tsîng
一直無人過問
it-ti̍t bô-lâng kuè-mn̄g
啊~敢是路傷歹行
ah~ kám-sī lōo siunn pháinn kiânn
抑是你毋相信
ia̍h-sī lí m̄ siong-sìn
咱會拚過彼座山
lán ē piànn kuè hit tsō suann
兩輪轎車
nn̄g-lián kiau-tshia
我載你四界行
guá tsài lí sì-kè kiânn
長長人生路
tn̂g-tn̂g jîn-sing-lōo
我有你就袂孤單
guá ū lí tiō buē koo-tuann
兩輪轎車
nn̄g-lián kiau-tshia
我載你四界行
guá tsài lí sì-kè kiânn
天地遮爾闊
thinn-tē tsiah-nī khuah
佗位是咱的地盤
tó-uī sī lán ê tē-puânn