愛過恨過

《愛過恨過》Ài–kuè Hūn–kuè
王建傑Ông Kiàn-kia̍t

彼工你來離開
hit kang lí lâi lī-khui
連批紙攏無留半字
liân phue-tsuá lóng bô lâu puànn-jī
一去就是三年
tsi̍t khì tsiū-sī sann-nî
全無帶念過去的情意
tsuân bô tài-liām kuè-khì ê tsîng-ì
我坐踮佇床邊
guá tsē tiàm-tī tshn̂g-pinn
想欲寫批來寄予你
siūnn-beh siá-phue lâi kià hōo lí
毋知你佇佗位
m̄-tsai lí tī tó-uī
我目屎流袂離
guá ba̍k-sái lâu buē-lī

我愛過恨過你
guá ài kuè hūn kuè lí
才知影心內的稀微
tsiah tsai-iánn sim-lāi ê hi-bî
無講一聲
bô kóng tsi̍t-siann
就來離開
tiō lâi lī-khui
敢講你是不得已
kám-kóng lí sī put-tik-í

我想欲走揣你
guá siūnn-beh tsáu-tshuē lí
心內按怎攏無勇氣
sim-lāi án-tsuánn lóng bô ióng-khì
袂當得著你的真心
buē-tàng tit-tio̍h lí ê tsin-sim
我痴情哪有啥意義
guá tshi-tsîng ná-ū siánn ì-gī