情愛無完全

《情愛無完全》Tsîng-ài Bô Uân-tsuân

王中平Ông Tiong-pîng

——————————————

因為你的人

in-uī lí ê lâng

予我生活有向望

hōo guá sing-ua̍h ū ǹg-bāng

想欲牽你的手

siūnn-beh khan lí ê tshiú

行到天邊海角

kiânn kàu thinn-pinn hái-kak

你講相遇毋著時間

lí kóng siong-gū m̄-tio̍h sî-kan

愛的氣候有好天烏暗

ài ê khì-hāu ū hó-thinn oo-àm

我閣戇戇仔等

guá koh gōng-gōng-á tán

等待雙囍彼一工

tán-thāi siang-hí hit tsi̍t-kang

愛若無完全

ài nā bô uân-tsuân

怎樣編織一場美夢

tsuánn-iūnn pian-tsit tsi̍t-tiûnn bí-bāng

傷遮爾仔重

siong tsiah-nī-á tāng

按怎彌補這个缺陷

án-tsuánn mí-póo tsit ê khuat-hām

情若無完全

tsîng nā bô uân-tsuân

權力錢財敢有稀罕

khuân-li̍k tsînn-tsâi kám ū hi-hán

緣袂當相牽

iân buē-tàng sio-khan

風塵人生路

hong-tîn jîn-sing lōo

家己行甲心的寒

ka-kī kiânn kah sim ê hân