你佇佗位

《你佇佗位》Lí Tī Tó-uī

王建傑Ông Kiàn-kia̍t

—————————————–

定定一个人的時陣

tiānn-tiānn tsi̍t-ê-lâng ê sî-tsūn

閣想著你

koh siūnn-tio̍h lí

雖然已經來分開

sui-jiân í-king lâi hun-khui

雖然經過遮濟年

sui-jiân king-kuè tsiah tsuē nî

猶原是有時陣

iu-guân sī ū-sî-tsūn

夢中來相見

bāng-tiong lâi sio-kìnn

佇落著小雨的臺北暝

tī lo̍h tio̍h sió-hōo ê Tâi-pak mî

定定靜落來的時陣

tiānn-tiānn tsīng–lo̍h-lâi ê sî-tsūn

閣想著你

koh siūnn-tio̍h lí

雖然咱是踮在兩位

sui-jiân lán sī tiàm-tsāi nn̄g-uī

雖然是我離開你

sui-jiân sī guá lī-khui lí

到現在我才知

kàu hiān-tsāi guá tsiah tsai

我的心肝內

guá ê sim-kuann-lāi

逐工思念的人

ta̍k-kang su-liām ê lâng

嘛猶閣是你

mā iáu-koh sī lí

我知影當初時

guá tsai-iánn tong-tshoo-sî

我欲你予我活出我自己

guá beh lí hōo guá ua̍h tshut guá tsū-kí

到現在我才知你的愛

kàu hiān-tsāi guá tsiah tsai lí ê ài

無人會當代替你

bô-lâng ē-tàng tāi-thè lí

感情本來就是按呢

kám-tsîng pún-lâi tsiū-sī án-ne

拄著

tú-tio̍h

才會想較開

tsiah ē siūnn khah khui

到現在

kàu hiān-tsāi

想欲知影你佇佗位

siūnn-beh tsai-iánn lí tī tó-uī