心軟

《心軟》Sim Nńg

王中平Ông Tiong-pîng

——————————————

床頭的時鐘

tshn̂g-thâu ê sî-tsing

停在甜蜜彼當陣

thîng tsāi tinn-bi̍t hit-tang-tsūn

想起過去鬥陣的氣氛

siūnn-khí kuè-khì tàu-tīn ê khì-hun

彼頂舊眠床

hit tíng kū bîn-tshn̂g

留有你我的溫存

lâu ū lí guá ê un-tsûn

見景傷情

kiàn-kíng siong-tsîng

引阮心頭酸

ín gún sim-thâu sng

看過人生茫茫的黃昏

khuànn-kuè jîn-sing bâng-bâng ê hông-hun

坐過感情浮沉的大船

tsē kuè kám-tsîng phû-tîm ê tuā-tsûn

四界攏是心碎的傷痕

sì-kè lóng-sī sim tshuì ê siong-hûn

拖著這身沉重的身魂

thua tio̍h tsit sin tîm-tāng ê sin-hûn

痴情的話

tshi-tsîng ê uē

按怎才準算

án-tsuánn tsiah tsún-sǹg

敢講天崩地也裂

kám-kóng thinn pang tē iā li̍h

才會落軟

tsiah ē lo̍h-nńg

只有怪我當初

tsí-ū kuài guá tong-tshoo

對你心太軟

tuì lí sim thài nńg

才會放你

tsiah ē pàng lí

佇咱感情烏白耍

tī lán kám-tsîng oo-pe̍h sńg

對你猶原無怨恨

tuì lí iu-guân bô uàn-hūn

只是心頭亂紛紛

tsí-sī sim-thâu luān hun-hun

只有怪我

tsí-ū kuài guá

當初對你心太軟

tong-tshoo tuì lí sim thài nńg

才會目睭金金

tsiah ē ba̍k-tsiu kim-kim

看你離開阮

khuànn lí lī-khui gún

敢講船過水無痕

kám-kóng tsûn kuè tsuí bô hûn

只有拜託天星

tsí-ū pài-thok thinn-tshenn

替咱拍算

thè lán phah-sǹg