為你心醉

J

《為你心醉》Uī Lí Sim Tsuì

方瑞娥Png Suī-ngôo

——————————————

一个人徛踮港邊

tsi̍t-ê-lâng khiā tiàm káng-pinn

雄雄來想起

hiông-hiông lâi siūnn-khí

一段情夢醉袂醒

tsi̍t-tuānn tsîng-bāng tsuì buē tshínn

誰叫我為你心醉

siáng kiò guá uī lí sim tsuì

看海鳥堅定向前

khuànn hái-tsiáu kian-tīng hiòng-tsiân

勇敢的決心

ióng-kám ê kuat-sim

我是心茫醉袂醒

guá sī sim bâng tsuì buē tshínn

為你傷心為你悲

uī lí siong-sim uī lí pi

情茫茫

tsîng bâng-bâng

心佇佗位

sim tī tó-uī

偏偏又閣為你心醉

phian-phian iū-koh uī lí sim tsuì

啊~今夜的路燈

ah~ kim-iā ê lōo-ting

不停咧閃爍

put-thîng teh siám-sih

敢是對阮來提醒

kám-sī tuì gún lâi thê-tshínn

女人心為前途

lú-jîn-sim uī tsiân-tôo

為著家己媠

uī-tio̍h ka-tī suí

明仔日

bîn-á-ji̍t

猶原是咱的天

iu-guân sī lán ê thinn