墾丁之戀

《墾丁之戀》Khún-ting tsi Luân

方瑞娥Png Suī-ngôo

——————————————

愛過才知無怨遠

ài–kuè tsiah tsai bô uàn hn̄g

天邊海角一段情

thinn-pinn hái-kak tsi̍t-tuānn tsîng

你我相逢在墾丁

lí guá siong-hông tsāi Khún-ting

戀戀海湧

luân-luân hái-íng

散步黃昏

sàn-pōo hông-hun

啊~情啊情啊情

ah~ tsîng–ah tsîng–ah tsîng

飛過了海中央

pue kuè-liáu hái tiong-ng

揣著一片海闊佮天清

tshuē-tio̍h tsi̍t-phiàn hái-khuah kah thinn-tshing

攬著阮的上貼心

lám tio̍h gún ê siōng tah-sim

阮的有情人

gún ê ū-tsîng-jîn

海若偌深

hái nā guā tshim

阮愛你有偌深

gún ài lí ū guā tshim

有緣咱來結佇墾丁

ū-iân lán lâi kiat tī Khún-ting

南國的熱情燒燙燙

lâm-kok ê jia̍t-tsîng sio thǹg-thǹg

海風聲

hái-hong siann

聲陣陣

siann tsūn-tsūn

天共咱做福份

thinn kā lán tsò hok-hūn

欲恩恩愛愛

beh un-un-ài-ài

永遠心連心

íng-uán sim liân-sim