青春的行船姑娘

《青春的行船姑娘》Tshing-tshun ê Kiânn-tsûn Koo-niû

方瑞娥Png Suī-ngôo

——————————————

紅色的美麗船頂

âng-sik ê bí-lē tsûn tíng

隨風搖搖弄

suî hong iô-iô lāng

故鄉的朋友啊

kòo-hiong ê pîng-iú–ah

再會啦再會

tsài-huē–lah tsài-huē

離別時

lî-pia̍t sî

希望會快樂來相送

hi-bāng ē khuài-lo̍k lâi sio-sàng

船頂的小姑娘

tsûn-tíng ê sió-koo-niû

啊~漂浪行船人

ah~ phiau-lōng kiânn-tsûn-lâng

迷人的紅燈青燈

bê-lâng ê âng-ting tshinn-ting

照阮心茫茫

tsiò gún sim bâng-bâng

可愛的港口啊

khó-ài ê káng-kháu–ah

再會啦再會

tsài-huē–lah tsài-huē

無限的大海面

bû-hān ê tuā-hái bīn

當做阮故鄉

tòng-tsuè gún kòo-hiong

船頂的小姑娘

tsûn-tíng ê sió-koo-niû

啊~隨風來漂流

ah~ suî hong lâi phiau-liû

夢中的彼个人影

bāng-tiong ê hit ê lâng-iánn

浮在阮目前

phû tsāi gún ba̍k-tsîng

心愛的請保重

sim-ài–ê tshiánn pó-tiōng

再會啦再會

tsài-huē–lah tsài-huē

多情的海鳥

to-tsîng ê hái-tsiáu

會做著阮伴侶

ē tsuè tio̍h gún phuānn-lī

船頂的小姑娘

tsûn-tíng ê sió-koo-niû

啊~前途有光明

ah~ tsiân-tôo ū kong-bîng