盈暗八點半
《盈暗八點半》Îng-àm Peh-tiám-puànn
方瑞娥Png Suī-ngôo
——————————————
窗外天星閃閃爍
thang-guā thinn-tshinn siám-siám-sih
對著鏡臺笑微微
tuì tio̍h kiànn-tâi tshiò bî-bî
約束今夜八點半
iok-sok kim-iā pueh-tiám puànn
踮在公園欲相見
tiàm-tsāi kong-hn̂g bueh sann-kìnn
穿著一領紅洋裝
tshīng tio̍h tsi̍t-niá âng iûnn-tsong
抹著水粉點胭脂
buah tio̍h tsuí-hún tiám ian-tsi
看著鏡內彼个姑娘
khuànn-tio̍h kiànn-lāi hit ê koo-niû
也會心綿綿
iā ē sim mî-mî
心愛的心愛的
sim-ài–ê sim-ài–ê
你我約會好暗暝
lí guá iok-huē hó àm-mî
哪會心肝叮叮噹噹
ná ē sim-kuann tin-tin-tang-tang
跳啊跳袂離
thiàu–ah thiàu buē-lī
今暝兩人有表示
kim-mî nn̄g-lâng ū piáu-sī
伊真愛我我愛伊
i tsin ài guá guá ài i
猶原踮在公園內
iu-guân tiàm-tsāi kong-hn̂g lāi
欣賞月娘到深更
him-sióng ge̍h-niû kàu tshim-kinn
伊的態度真溫柔
i ê thāi-tōo tsin un-jiû
佮阮真正會投機
kah gún tsin-tsiànn ē tâu-ki
想起彼暝甘蜜情景
siūnn-khí hit-mî kam-bi̍t tsîng-kíng
又來心綿綿
iū lâi sim mî-mî
心愛的心愛的
sim-ài–ê sim-ài–ê
你我約束好暗暝
lí guá iok-sok hó àm-mî
哪會心肝叮叮噹噹
ná ē sim-kuann tin-tin-tang-tang
跳啊跳袂離
thiàu–ah thiàu buē-lī
沿路春風吹微微
iân-lōo tshun-hong tshue bî-bî
月也對阮笑嘻嘻
ge̍h iā tuì gún tshiò hi-hi
輕鬆跤步向著你
khin-sang kha-pōo hiòng-tio̍h lí
彼个公園揣著伊
hit ê kong-hn̂g tshuē-tio̍h i
應該今夜阮著來
ing-kai kim-iā gún tio̍h lâi
對伊更加糖蜜甜
tuì i kìng-ka thn̂g-bi̍t-tinn
予伊永遠抱著純情
hōo i íng-uán phō tio̍h sûn-tsîng
對阮心綿綿
tuì gún sim mî-mî
心愛的心愛的
sim-ài–ê sim-ài–ê
你我約束好暗暝
lí guá iok-sok hó àm-mî
哪會心肝叮叮噹噹
ná ē sim-kuann tin-tin-tang-tang
跳啊跳袂離
thiàu–ah thiàu buē-lī
