為錢愛拍拚
《為錢愛拍拚》Uī Tsînn Ài Phah-piànn
方瑞娥Png Suī-ngôo
——————————————
有錢人免囂俳
ū-tsînn-lâng bián hiau-pai
毋免展伊偌厲害
m̄-bián tián i guā lī-hāi
無錢人免怨嘆
bô-tsînn-lâng bián uàn-thàn
毋免驚人知
m̄-bián kiann lâng tsai
有錢若欲烏白開
ū-tsînn nā beh oo-pe̍h khai
這款真悲哀
tsit khuán tsin pi-ai
總是愛拍拚
tsóng-sī ài phah-piànn
無錢嘛著小忍耐
bô tsînn mā tio̍h sió jím-nāi
世間人最歹命
sè-kan-lâng tsuè pháinn-miā
為錢做奴才
uī tsînn tsuè lôo-tsâi
身體若來拍歹
sin-thé nā lâi phah-pháinn
金錢較濟嘛無彩
kim-tsînn khah tsuē mā bô-tshái
身體若真勇健
sin-thé nā tsin ióng-kiānn
快樂自然來
khuài-lo̍k tsū-jiân lâi
毋通看錢若性命
m̄-thang khuànn tsînn ná sìnn-miā
這款不應該
tsit khuán put ing-kai
總是愛拍拚
tsóng-sī ài phah-piànn
無錢嘛著小忍耐
bô tsînn mā tio̍h sió jím-nāi
世間人最歹命
sè-kan-lâng tsuè pháinn-miā
為錢做奴才
uī tsînn tsuè lôo-tsâi