愛甲遮爾重

《愛甲遮爾重》Ài Kah Tsiah-nī Tāng

方瑞娥Png Suī-ngôo

——————————————

你的心無佇阮遮

lí ê sim bô tī gún tsia

敢講心佇別人遐

kám-kóng sim tī pa̍t-lâng hia

心慒慒無人訴苦

sim tso-tso bô-lâng sòo-khóo

兩人生活閣算啥

nn̄g-lâng sing-ua̍h koh sǹg siánn

我毋願來拆破

guá m̄-guān lâi thiah-phuà

配合你白賊一大攤

phuè-ha̍p lí pe̍h-tsha̍t tsi̍t-tuā-thuann

這款生活

tsit khuán sing-ua̍h

偷偷哭出聲

thau-thau khàu tshut-siann

情咧拖

tsîng teh thua

攏袂快活

lóng buē khuìnn-ua̍h

阮是佇咧顧慮啥

gún sī tī-teh kòo-lū siánn

愛甲遮爾重

ài kah tsiah-nī tāng

你的心毋捌佇阮遮

lí ê sim m̄-bat tī gún tsia

這款情攏袂快活

tsit khuán tsîng lóng buē khuìnn-ua̍h

事到如今才知影

sū kàu jû-kim tsiah tsai-iánn

你的心

lí ê sim

毋捌愛過我

m̄-bat ài kuè guá