可憐阮是失戀人
https://www.youtube.com/watch?v=sHtM78qW7CU&fbclid=IwAR1s6utG4-mU3XGAVDdJFcOwB0E5wvJ_EZ2fgiCKUAHZbzUmEPLXEbdW0UE
《可憐阮是失戀人》Khó-liân Gún Sī Sit-luân-lâng
方瑞娥Png Suī-ngôo
——————————————
雖然是你欲離開
sui-jiân sī lí bueh lī-khui
對阮有講起
tuì gún ū kóng-khí
講你是為著前途
kóng lí sī uī-tio̍h tsiân-tôo
離開無幾年
lī-khui bô kuí nî
叫阮愛踮在故鄉
kiò gún ài tiàm-tsāi kòo-hiong
堅心來等伊
kian-sim lâi tán i
為怎樣離開了後
uī-tsánn-iūnn lī-khui liáu-āu
為怎樣離開了後
uī-tsánn-iūnn lī-khui liáu-āu
將阮放袂記
tsiong gún pàng-buē-kì
愛人啊通遮爾無情
ài-jîn–ah thang tsiah-nī bô-tsîng
你敢知
lí kám tsai
孤單相思最可憐
koo-tuann siunn-si tsuè khó-liân
請你毋通
tshiánn lí m̄-thang
放阮去揣別人
pàng gún khì tshuē pa̍t-lâng
哈~揣別人
hah~ tshuē pa̍t-lâng
哈~揣別人
hah~ tshuē pa̍t-lâng
若看你一張批信
nā khuànn lí tsi̍t-tiunn phue-sìn
加添阮相思
ka-thiam gún siong-si
無疑你踮在他鄉
bô-gî lí tiàm-tsāi thann-hiong
閣再交愛人
koh-tsài kau ài-jîn
叫阮來將愛看破
kiò gún lâi tsiong ài khuànn-phuà
佮你斷了情
kah lí tuān liáu tsîng
親像你這款的人
tshin-tshiūnn lí tsit khuán ê lâng
親像你這款的人
tshin-tshiūnn lí tsit khuán ê lâng
誤阮的一生
gōo gún ê it-sing
愛人啊通遮爾無情
ài-jîn–ah thang tsiah-nī bô-tsîng
你害阮
lí hāi gún
暝日傷心最可憐
mî-ji̍t siong-sim tsuè khó-liân
違背良心放阮
uî-puē liông-sim pàng gún
去揣別人
khì tshuē pa̍t-lâng
哈~揣別人
hah~ tshuē pa̍t-lâng
哈~揣別人
hah~ tshuē pa̍t-lâng
可恨你
khó hūn lí
迎新棄舊放阮愛別人
ngiâ-sin-khì-kū pàng gún ài pa̍t-lâng
親像你無情無義
tshin-tshiūnn lí bô-tsîng bô-gī
實在害死人
si̍t-tsāi hāi-sí lâng
毋願來共你回信
m̄-guān lâi kā lí huê-sìn
甘願將情放
kam-guān tsiong tsîng pàng
你害阮一切無望
lí hāi gún it-tshè bô-bāng
你害阮一切無望
lí hāi gún it-tshè bô-bāng
變成失戀人
piàn-sîng sit-luân-lâng
