予家己歡喜

《予家己歡喜》Hōo Ka-kī Huann-hí

方阡翊Png Tshian-i̍k

——————————————

這花花世界

tse hua-hua sè-kài

追情兩字

tui-tsîng nn̄g-jī

若墜落情海

nā tuī-lo̍h tsîng-hái

身不由己

sin put-iû kí

趁年少寶貴青春時

thàn liân-siàu pó-kuì tshing-tshun sî

用我的熱情佮智慧

iōng guá ê jia̍t-tsîng kah tì-huī

創造自己一片天

tshòng-tsō tsū-kí tsi̍t-phìnn thinn

這現實社會

tse hiān-si̍t siā-huē

勝敗兩字

sìng-pāi nn̄g-jī

我毋願接受命運創治

guá m̄-guān tsiap-siū miā-ūn tshòng-tī

趁年少寶貴青春時

thàn liân-siàu pó-kuì tshing-tshun sî

用我的真情佮志氣

iōng guá ê tsin-tsîng kah tsì-khì

拍拚自己的堅持

phah-piànn tsū-kí ê kian-tshî

予家己來歡喜

hōo ka-kī lâi huann-hí

予家己來Happy

hōo ka-kī lâi Happy

何必做著憂愁的花蕊

hô-pit tsuè tio̍h iu-tshiû ê hue-luí

免為愛來傷悲

bián uī ài lâi siong-pi

免為情來失志

bián uī tsîng lâi sit-tsì

今日我欲做我自己

kim-ji̍t guá beh tsuè guá tsū-kí

這感情的路

tse kám-tsîng ê lōo

痴情兩字

tshi-tsîng nn̄g-jī

若無奈委屈

nā bô-nāi uí-khut

甘願放棄

kam-guān hòng-khì

趁年少寶貴青春時

thàn nî-siàu pó-kuì tshing-tshun sî

用我的最大的勇氣

iōng guá ê tsuè tuā ê ióng-khì

一切攏是

it-tshè lóng-sī

家己歡喜

ka-kī huann-hí