愛的勇氣
《愛的勇氣》Ài ê Ióng-khì
——————————
其實困難人生
kî-si̍t khùn-lân jîn-sing
攏是有意義
lóng sī ū ì-gī
有意義
ū ì-gī
無到萬丈深坑
bô kàu bān-tn̄g tshim-khinn
咱是袂反省
lán sī buē huán-síng
袂謙虛
buē khiam-hi
過去的已經過去
kuè-khì ê í-king kuè-khì
親像天頂流星
tshinn-tshiūnn thinn-tíng liû-tshinn
猶閣有遺憾留佇心內毋捌離開
iá-koh ū uî-hām lâu tī sim-lāi m̄-bat lī-khui
人生嘛無啥物
jîn-sing mā bô siánn-mi̍h
無啥物過袂去的代誌
bô-siánn-mih kuè buē khì ê tāi-tsì
雖然傷痕累累
sui-jiân siong-hûn-luí-luí
猶是充滿愛的勇氣
iá-sī tshiong-buán ài ê ióng-khì
雖然毋知何時
sui-jiân m̄-tsai hô-sî
才會當來等著新的春天
tsiah ē-tàng lâi tán tio̍h sin ê tshun-thinn
啥人會當來代替家己愛你家己
siánn-lâng ē-tàng lâi tāi-thè ka-kī ài lí ka-kī
啥人會當來解說人生啥物意義
siánn-lâng ē-tàng lâi kái-sueh jîn-sing siánn-mih ì-gī
請你一定愛相信
tshiánn lí it-tīng ài siong-sìn
咱猶有繼續愛的勇氣
lán iáu-ū kè-sio̍k à ê ióng-khì
你毋通傷悲
lí m̄-thang siong-pi
你毋通放棄
lí m̄-thang hòng-khì
因為我所有的愛攏予你
in-uī guá sóo-ū ê ài lóng hōo lí
你毋通懷疑
lí m̄-thang huâi-gî
你毋通落氣
lí m̄-thang làu-khuì
人生的轉彎踅角哪有啥物
jîn-sing ê tńg-uan-se̍h-kak ná ū siánn-mi̍h
你毋通傷悲
lí m̄-thang siong-pi
你毋通放棄
lí m̄-thang hòng-khì
沿路的風景猶原遐爾仔媠
iân-lōo ê hong-kíng iû-guân hiah-nī-á suí
你毋通懷疑
lí m̄-thang huâi-gî
你毋通落氣
lí m̄-thang làu-khuì
請相信猶有甜蜜的未來
tshiánn siong-sìn iáu-ū tinn-bi̍t ê bī-lâi
咧等待你
teh tán-thāi lí
你毋通傷悲
lí m̄-thang siong-pi