叫阮怎樣生活
《叫阮怎樣生活》Kiò Gún Tsuánn-iūnn Sing-ua̍h
于中紅Î Tiong-hông
——————————————
想起當初
siūnn-khí tong-tshoo
你有來咒誓
lí ū lâi tsiù-tsuā
無論好歹欲娶我
bô-lūn hó-pháinn beh tshuā guá
今日才知
kim-ji̍t tsiah tsai
你是對我隱瞞
lí sī tuì guá ún-muâ
實在你是已經娶
si̍t-tsāi lí sī í-king tshuā
為何你欲來騙我
uī-hô lí beh lâi phiàn guá
害我唱出苦戀歌
hāi guá tshiùnn-tshut khóo-luân kua
可憐幼囝已經大
khó-liân iù-kiánn í-king tuā
叫阮怎樣生活
kiò gún tsuánn-iūnn sing-ua̍h
環境所迫
khuân-kíng sóo pik
才著來出外
tsiah tio̍h lâi tshut-guā
為著生活
uī-tio̍h sing-ua̍h
願拖磨
guān thua-buâ
時間已經過了三年外
sî-kan í-king kuè liáu sann-nî guā
你敢全然無想我
lí kám tsuân-jiân bô siūnn guá
為何你欲來騙我
uī-hô lí beh lâi phiàn guá
害我唱出苦戀歌
hāi guá tshiùnn-tshut khóo-luân kua
可憐幼囝已經大
khó-liân iù-kiánn í-king tuā
叫阮怎樣生活
kiò gún tsuánn-iūnn sing-ua̍h
