上海假期

《上海假期》Siōng-hái Kà-kî
江蕙Kang Huī
——————————————
伊看著你的時陣笑咪咪
i khuànn-tio̍h lí ê sî-tsūn tshiò bi-bi
敢講恁兩人有啥祕密
kám-kóng lín nn̄g-lâng ū siánn pì-bi̍t
你毋通嫌阮的心遐爾多疑
lí m̄-thang hiâm gún ê sim hiah-nī to-gî
上海姑娘都很美麗
Shànghǎi gūniáng dōu hěn měilí

為著前途你離開了鄉里
uī-tio̍h tsiân-tôo lí lī-khui liáu hiong-lí
我踮在故鄉一直等你
guá tiàm-tsāi kòo-hiong it-ti̍t tán lí
久久一擺兩人才會見面
kú-kú tsi̍t-pái nn̄g-lâng tsiah-ē kìnn-bīn
飛到上海來找你
fēi dào Shànghǎi lái chǎo nǐ

來你的身邊
lâi lí ê sin-pinn
啥物辛苦攏放袂記
siánn-mih sin-khóo lóng pàng-buē-kì

這个城市
tsit-ê siânn-tshī
原來嘛是花花都市
guân-lâi mā sī hua-hua too-tshī
紅燈青燈霓虹閃爍
âng-ting tshinn-ting nê-ông siám-sih
看攏袂離
khuànn lóng buē-lī
希望你認真拍拚
hi-bāng lí jīn-tsin phah-piànn
毋通拍毋見
m̄-thang phàng-kìnn
早日佮我來團圓
tsá-ji̍t kah guá lâi thuân-înn