花容情

《花容情》Hue-iông Tsîng
江蕙Kang Huī
——————————————
一生親像
it-sing tshin-tshiūnn
阮手中株株的離枝欉
gún tshiú-tiong tsu-tsu ê lī-ki tsâng
白花含赤紅
pe̍h-hue hâm tshiah-âng
紅花無芳味
âng-hue bô phang-bī
白花一蕊一蕊散
pe̍h-hue tsi̍t-luí-tsi̍t-luí sàn
賣錢隨在人咧選
bē-tsînn suî-tsāi-lâng teh suán

一蕊祝恁成雙對
tsi̍t-luí tsiok lín sîng-siang-tuì
一蕊祝恁好情意
tsi̍t-luí tsiok lín hó tsîng-ì
幸福眼前阮稀微
hīng-hok gán-tsîng gún hi-bî
賰的可憐孤單害
tshun–ê khó-liân koo-tuann hāi
花容憔悴無人愛
hue-iông tsiâu-tsuī bô-lâng ài

啊~請恁惜花期
ah~ tshiánn lín sioh hue-kî
辜負青春
koo-hū tshing-tshun
可比瓊花無一暝
khó-pí khîng-hue bô tsi̍t-mî
好花有時歹命運
hó hue ū-sî pháinn miā-ūn
幸福嘛有長短
hīng-hok mā ū tn̂g-té
請恁惜花期
tshiánn lín sioh hue-kî