純情花

《純情花》Sûn-tsîng Hue
江蕙Kang Huī
——————————————
黃葉翩翩飄落地
n̂g-hio̍h phian-phian phiau lo̍h tē
無情秋風對面吹
bô-tsîng tshiu-hong tuì bīn tshue
見景傷情徒難過
kiàn-kíng siong-tsîng tôo lân-kuè
孤單阮一个
koo-tuann gún tsi̍t-ê

昔日雙人也立誓
sik-ji̍t siang-lâng iā li̍p-sè
無疑變成燕雙飛
bô-gî piàn-sîng iàn siang hui
啊~秋蟬啼叫黃昏會
ah~ tshiu-siân thî-kiò hông-hun huē
愛人去不回
ài-jîn khì put huê

愛情可比雲過月
ài-tsîng khó-pí hûn kuè gue̍h
無情無義你一个
bô-tsîng bô-gī lí tsi̍t-ê
為你犧牲著一切
uī lí hi-sing tio̍h it-tshè
可憐純情花
khó-liân sûn-tsîng hue

昔日初戀四重溪
sik-ji̍t tshoo-luân Sì-tîng-khe
溪水替阮咧怨慼
khe-tsuí thuè gún teh uàn-tshueh
啊~溫泉煙霧滿四界
ah~ un-tsuânn ian-bū muá-sì-kè
又是日落西
iū sī ji̍t lo̍h se

昔日初戀四重溪
sik ji̍t tshoo-luân Sì-tîng-khe
溪水替阮咧怨慼
khe-tsuí thuè gún teh uàn-tshueh
啊~溫泉煙霧滿四界
ah~ un-tsuânn ian-bū muá-sì-kè
又是日落西
iū sī ji̍t lo̍h se