秋夜曲

《秋夜曲》Tshiu-iā Khik
江蕙Kang Huī
——————————————
桂花開透秋風寒
kuì-hue khui thàu tshiu-hong kuânn
離別情人恨孤單
lī-pia̍t tsîng-jîn hūn koo-tuann
暝日憂愁思念同心伴
mî-ji̍t iu-tshiû su-liām tông-sim phuānn
天光想到日落山
thinn-kng siūnn kàu ji̍t lo̍h-suann

冷風吹來割心腸
líng-hong tshue–lâi kuah sim-tn̂g
幾粒孤星伴月光
kuí lia̍p koo-tshinn phuānn ge̍h-kng
滿腹心情無人通慰問
muá-pak sim-tsîng bô-lâng thang uì-mn̄g
秋天冷淡引心酸
tshiu-thinn líng-tām ín sim-sng

三更過了雞聲啼
sann-kinn kuè-liáu ke-siann thî
陣陣東風吹柳枝
tsūn-tsūn tang-hong tshue liú-ki
毋知何時會得君相見
m̄-tsai hô-sî ē-tit kun sann-kìnn
傷心怨嘆空相思
siong-sim uàn-thàn khang siunn-si