我愛過

《我愛過》Guá Ài Kuè

江蕙 Kang Hūi

————————————–

冷冷的雨

líng-líng ê hōo

親像是無意義的閒話

tshin-tshiūnn sī bô ì-gī ê îng-uē

毋通來沃澹我的生活

m̄-thang lâi ak-tâm guá ê sing-ua̍h

我的一切

guá ê it-tshè

該問的其實你攏問過

kai mn̄g ê kî-si̍t lí lóng mn̄g–kuè

關於愛情

kuan-î ài-tsîng

佮人討論只是夯枷

kah lâng thó-lūn tsí-sī giâ-kê

兩字緣份啊

nn̄g-jī iân-hūn–ah

是最後的我的解說

sī tsuè-āu ê guá ê kái-sueh

失去的

sit-khì–e

我感謝天地

guá kám-siā thinn-tē

肯賜予我有一个愛你的機會

khíng sù hōo guá ū tsi̍t-ê ài lí ê ki-huē

得著的

tit–tio̍h-ê

也已經真濟

iā í-king tsin tsuē

我毋是最後你欲選的彼个

guá m̄-sī tsuè-āu lí beh suán ê hit ê

冷冷的風吹來

líng-líng ê hong tshue–lâi

我的心疼亂亂飛

guá ê sim thiànn luān-luān-pue

一聲再會吧

tsi̍t-siann tsài-huē–pah

已經無怨慼

í-king bô uàn-tsheh

免講傷濟

bián kóng siunn tsuē

心酸像雨水已經落地

sim-sng tshiūnn hōo-tsuí í-king lo̍h tē

既然是我家己的生活

kì-jiân sī guá ka-kī ê sing-ua̍h

請你相信

tshiánn lí siong-sìn

該想的其實我攏想過

kai siūnn ê kî-si̍t guá lóng siūnn–kuè

關於愛情

kuan-î ài-tsîng

感謝過去你的奉陪

kám-siā kuè-khì lí ê hōng-puê

一句真心話

tsi̍t-kù tsin-sim-uē

謝天謝地

siā-thinn siā-tē

我有愛過

guá ū ài–kuè