免洗箸

《免洗箸》Bián-sé-tī
江蕙Kang Huī
——————————————
少年的
siàu-liân–ê
你心內咧想啥貨
lí sim-lāi teh siūnn siánn-huè
為何會遐爾討債
uī-hô ē hiah-nī thó-tsè
隨便亂愛
suî-piān luān ài
無惜代價
bô sioh tāi-kè

小妹妹
siáu-me-me
愛雖然遐爾美麗
ài sui-jiân hiah-nī bí-lē
啥物是山盟海誓
siánn-mih sī san-bîng-hái-sè
你一定愛想較詳細
lí it-tīng ài siūnn khah siông-sè

真情愛應該是
tsin tsîng-ài ìng-kai sī
是千千萬萬年
sī tshian-tshian-bān-bān nî
袂當隨便就浪費
buē-tàng suî-piān tiō lōng-huì
有情人毋通遐爾鐵齒
ū-tsîng-lâng m̄-thang hiah-nī thih-khí

愛毋是滿滿是的免洗箸
ài m̄-sī muá-muá-sī ê bián-sé-tī
到最後只有傷害
kàu tsuè-āu tsí-ū siong-hāi
無人愛挃
bô-lâng ài ti̍h
咱應該小控制咧
lán ìng-kai sió khòng-tsè–leh
才是智慧
tsiah-sī tì-huī

愛就是莫閣使用免洗箸
ài tiō-sī mài koh sú-iōng bián-sé-tī
真心來疼惜伊
tsin-sim lâi thiànn-sioh i
也疼惜家己
iā thiànn-sioh ka-tī
世間有永遠迷人的景緻
sè-kan ū íng-uán bê-lâng ê kíng-tì
咱的愛才有意義
lán ê ài tsiah ū ì-gī
—

咱的愛才有趣味
lán ê ài tsiah ū tshù-bī
咱的愛才有滋味
lán ê ài tsiah ū tsu-bī