祝福

《祝福》Tsiok-hok
江蕙Kang Huī
——————————————
三月的窗邊
sann–gue̍h ê thang-pinn
幸福的芳味
hīng-hok ê phang-bī
阮覕佇有你的情境
gún bih tī ū lí ê tsîng-kíng
離開已經遐濟年
lī-khui í-king hiah tsuē nî
攏無你的消息
lóng bô lí ê siau-sit
你敢有揣著你的春天
lí kám ū tshuē-tio̍h lí ê tshun-thinn

花開已經過時
hue khui í-king kuè-sî
毋通閣再等你
m̄-thang koh-tsài tán lí
阮親像袂開的花蕊
gún tshin-tshiūnn buē khui ê hue-luí

青春已經退了色
tshing-tshun í-king thè liáu sik
猶無人來同情
iáu bô-lâng lâi tông-tsîng
若愛你
nā ài lí
哪通怨恨你
ná thang uàn-hūn lí

祝福你
tsiok-hok lí
平平安安
pîng-pîng-an-an
事事項項順著你的心
sū-sū-hāng-hāng sūn tio̍h lí ê sim
愛你的人踮身邊照顧你
ài lí ê lâng tiàm sin-pinn tsiàu-kòo lí

祝福我
tsiok-hok guá
平平靜靜
pîng-pîng-tsīng-tsīng
一人踮在秋雨的窗邊
tsi̍t-lâng tiàm-tsāi tshiu-hōo ê thang-pinn
若是寂寞的時
nā-sī tsi̍k-bo̍k ê sî
會當毋想你
ē-tàng m̄-siūnn lí