趁早

《趁早》Thàn-tsá

朱海君Tsu Hái-kun

——————————————

天色漸漸光

thinn-sik tsiām-tsiām kng

昨暝一場破碎的夢

tsa-mî tsi̍t-tiûnn phuà-tshuì ê bāng

予阮失神戇神

hōo gún sit-sîn gōng-sîn

目屎流落心腸

ba̍k-sái lâu-lo̍h sim-tn̂g

有苦澀的酸酸

ū khóo-siap ê sng-sng

月色冷清清

gue̍h-sik líng tshing-tshing

照鏡紅妝深深傷痕

tsiò kiànn hông-tsong tshim-tshim siong-hûn

怪阮無夠聰明

kuài gún bô-kàu tshong-bîng

相信你的虛情

siong-sìn lí ê hi-tsîng

哪會堪感情線來拍斷

ná ē-kham kám-tsîng-suànn lâi phah-tn̄g

我哭甲哭甲無聲

guá khàu kah khàu kah bô-siann

因為你欺騙我

in-uī lí khi-phiàn guá

戇戇等待啥

gōng-gōng tán-thāi siánn

越頭失去年華

ua̍t-thâu sit-khì nî-huâ

啊~女人啊

ah~ lú-jîn–ah

天地開闊

thinn-tē khui-khuah

敢通為情為愛拖磨

kám thang uī tsîng uī ài thua-buâ

我愛甲愛甲驚驚

guá ài kah ài kah kiann-kiann

因為你欺騙我

in-uī lí khi-phiàn guá

真心靠無岸

tsin-sim khò bô huānn

故事講無人聽

kòo-sū kóng bô-lâng thiann

啊~女人啊

ah~ lú-jîn–ah

看破趁早

khuànn-phuà thàn-tsá

放手以後

pàng-tshiú í-āu

一人勇敢自由行

tsi̍t-lâng ióng-kám tsū-iû kiânn