相思過頭

《相思過頭》Siunn-si Kuè-thâu

朱海君Tsu Hái-kun

——————————————

規个心情亂操操

kui-ê sim-tsîng luān-tshau-tshau

痴情隨風飄

tshi-tsîng suî hong phiau

你啥物攏無留

lí siánn-mih lóng bô lâu

只賰寂寞佇遮等候

tsí tshun tsi̍k-bo̍k tī tsia tán-hāu

你講欲陪阮到老

lí kóng beh puê gún kàu lāu

永遠袂變調

íng-uán buē piàn-tiāu

我攏有記牢牢

guá lóng ū kì tiâu-tiâu

為何賰阮一个踮遮吼

uī-hô tshun gún tsi̍t-ê tiàm tsia háu

相思過頭

siunn-si kuè-thâu

阮的靈魂綴你走

gún ê lîng-hûn tuè lí tsáu

毋願一个人

m̄-guān tsi̍t-ê-lâng

孤單踮遮等候

koo-tuann tiàm tsia tán-hāu

相思過頭

siunn-si kuè-thâu

阮的面容漸漸老

gún ê bīn-iông tsiām-tsiām lāu

原來你的心

guân-lâi lí ê sim

早就留袂牢

tsá tiō lâu buē tiâu

是阮放袂落心

sī gún pàng buē lo̍h sim

抑是應該看透

ia̍h-sī ing-kai khuànn-thàu