水轉跤

《水轉跤》Tsuí-tńg-kha
朱約信 Tsu Iok-sìn
陳淳杰 Tân Sûn-kia̍t
廖學廣 Liāu Ha̍k-kóng
汐止鎮公所合唱隊 Si̍k-tsí Tìn-kong-sóo Ha̍p-tshiùnn-thuân
——————————————
汐止本名是水轉跤
Si̍k-tsí pún-miâ sī Tsuí-tńg-kha
先民開拓啊入山林
sian-bîn khai-thok–ah ji̍p suann-nâ
雞籠河頂咧運塗炭
Ke-lâng-hô tíng leh ūn thôo-thuànn
清幽美景是秀峰山
tshing-iu bí-kíng sī Siù-hong-suann

祖先流血閣流汗
tsóo-sian lâu-hueh koh lâu-kuānn
開墾田園予咱蹛
khai-khún tshân-hn̂g hōo lán tuà
時代雖然有變換
sî-tāi sui-jiân ū piàn-uānn
咱著好好
lán tio̍h hó-hó
好好共紲落去行
hó-hó kā suà-lueh kiânn

雞籠河邊臺北城外
Ke-lâng-hô pinn Tâi-pak-siânn guā
逐家相依佮相倚
ta̍k-ke sio-i kah sio-uá
文化立鎮民俗落根
bûn-huà li̍p tìn bîn-sio̍k lo̍h-kin
做伙鬥陣來拍拚
tsò-hué tàu-tīn lâi phah-piànn