兩跤人四跤錢

《兩跤人四跤錢》Nn̄g-kha Lâng Sì-kha Tsînn
成鳳 Sîng Hōng
——————————————
虯虯儉儉幾十年
khiû-khiû-khiām-khiām kuí tsa̍p nî
省食省穿又拚勢
síng tsia̍h síng tshīng iū piànn-sì
向望買厝傳囝兒
ǹg-bāng bé tshù thuân kiánn-jî
誰知厝價一起
siáng tsai tshù-kè tsi̍t khí
上天
peh tsiūnn-thinn

兩跤人
nn̄g-kha lâng
四跤錢
sì-kha tsînn
想欲好額
siūnn-beh hó-gia̍h
著愛錢趁錢
tio̍h-ài tsînn thàn tsînn
有人用頭腦
ū-lâng iōng thâu-náu
拍拚做代誌
phah-piànn tsuè tāi-tsì
有人股票號碼
ū-lâng kóo-phiò, hō-bé
緊張甲睏袂去
kín-tiunn kah khùn buē khì
厝價仝款摸袂起
tshù-kè kāng-khuán bong buē khí

人生毋是干焦為著錢
jîn-sing m̄-sī kan-na uī-tio̍h tsînn
無一定愛佮人比
bô-it-tīng ài kah lâng pí
算算咧
sǹg-sǹg–eh
只有等時機
tsí-ū tán sî-ki
看破
khuànn-phuà
草厝仔
tsháu-tshù-á
唉~閣再眠
haih~ koh-tsài bîn