面譜

《面譜》Bīn-phóo
向蕙玲Hiòng Huī-lîng
——————————————
一个流傳的故事
tsi̍t-ê liû-thuân ê kòo-sū
是你講我才知
sī lí kóng guá tsiah tsai
兩个相愛的人
nn̄g-ê siong-ài ê lâng
七夕月會將面紗掀起來
tshit-si̍k-gue̍h ē tsiong bīn-se hian–khí-lâi
對看的眼神內
tuì-khuànn ê gán-sîn lāi
有真心的意愛
ū tsin-sim ê ì-ài
才會交換誓言
tsiah ē kau-uānn sè-giân
約定未來
iok-tīng bī-lâi

我相信你的人
guá siong-sìn lí ê lâng
袂來辜負阮的愛
buē lâi koo-hū gún ê ài
女人花一生中
lú-jîn-hue it-sing tiong
上蓋珍貴的心予你採
siōng-kài tin-kuì ê sim hōo lí tshái
我的淚無凊彩
guá ê luī bô tshìn-tshái
因為我勇敢的愛
in-uī guá ióng-kám ê ài
徛踮在風雨中
khiā tiàm-tsāi hong-ú tiong
一直看無你轉來
it-ti̍t khuànn-bô lí tńg–lâi
原來你的心內
guân-lâi lí ê sim-lāi
猶有一張面譜
iáu-ū tsi̍t-tiunn bīn-phóo
為伊藏起來
uī i tshàng–khí-lâi