船頭可愛

《船頭可愛》Tsûn-thâu Khó-ài
白櫻Pe̍h Ing
——————————————
孤一个走來港邊
koo tsi̍t-ê tsáu lâi káng-pinn
流著傷心珠淚滴
lâu tio̍h siong-sim tsu-luī-tih
咱離開已經數年
lán lī-khui í-king sòo-nî
欸~咱離開已經數年
eh~ lán lī-khui í-king sòo-nî
放阮空相思
pàng gún khang siunn-si

你敢來袂記彼時
lí kám lâi bē-kì hit-sî
叫阮著愛等待你
kiò gún tio̍h-ài tán-thāi lí
為怎樣無批無信
uī tsuánn-iūnn bô-phue-bô-sìn
欸~為怎樣無批無信
eh~ uī tsuánn-iūnn bô-phue-bô-sìn
誤阮青春期
gōo gún tshing-tshun kî

咱雖然離開千里
lán sui-jiân lī-khui tshian-lí
永遠抱著好情義
íng-uán phō tio̍h hó tsîng-gī
不應該日來連暝
put ìng-kai ji̍t lâi liân mî
欸~不應該日來連暝
eh~ put ìng-kai ji̍t lâi liân mî
叫阮心稀微
kiò gún sim hi-bî