永遠唱袂煞

《永遠唱袂煞》Íng-uán Tshiùnn Bē Suah
白冰冰Pe̍h Ping-ping
——————————————
彈著命運的吉他
tuânn tio̍h miā-ūn ê gì-tah
唱出寂寞的戀歌
tshiùnn-tshut tsi̍k-bo̍k ê luân-kua
想起彼當時
siūnn-khí hit-tong-sî
你講愛拚才會贏
lí kóng ài piànn tsiah ē iânn
男兒飄撇的心情
lâm-jî phiau-phiat ê sim-tsîng
為何欺騙我
uī-hô khi-phiàn guá
害我疼入心肝
hāi guá thiànn ji̍p sim-kuann

傷心的
siong-sim ê
傷心的所在
siong-sim ê sóo-tsāi
風飛沙才透煞
hong-pue-sua tsiah thàu suah
毛毛的
mn̂g-mn̂g ê
毛毛的相思雨
mn̂g-mn̂g ê siunn-si hōo
愈落煞愈大
jú lo̍h suah jú tuā

月夜相思曲的苦戀歌
gue̍h-iā siunn-si-khik ê khóo-luân-kua
唱袂煞
tshiùnn buē suah
永遠唱袂煞
íng-uán tshiùnn buē suah