時代的女人

《時代的女人》Sî-tāi ê Lú-jîn
向蕙玲Hiòng Huī-lîng
——————————————
當初你熟似的我
tong-tshoo lí si̍k-sāi ê guá
心內有傷
sim-lāi ū siong
才會需要一个人
tsiah ē su-iàu tsi̍t-ê lâng
來疼惜
lâi thiànn-sioh
我毋知按怎療傷
guá m̄-tsai án-tsuánn liâu-siong
借你的心來倚靠
tsioh lí ê sim lâi uá-khò
你講女人上蓋戇
lí kóng lú-jîn siōng-kài gōng
總是為愛糊塗
tsóng–sī uī ài hôo-tôo

我需要你疼惜
guá su-iàu lí thiànn-sioh
思念的淚隨風落
su-liām ê luī suî hong lo̍h
你的溫柔有退路
lí ê un-jiû ū thè-lōo
我哪會看無
guá ná ē khuànn-bô
問歲月紅顏的時代
mn̄g suè-gua̍t hông-gân ê sî-tāi
何時會當再相逢
hô-sî ē-tàng tsài siong-hông
美人有情毋驚苦
bí-jîn ū-tsîng m̄-kiann khóo
等你轉來阮夢中
tán lí tńg-lâi gún bāng-tiong