我愛的人毋是愛我的人

《我愛的人毋是愛我的人》Guá Ài ê Lâng M̄-sī Ài Guá ê Lâng
向蕙玲Hiòng Huī-lîng
——————————————
愛著你
ài tio̍h lí
親像龍捲風掃過情關
tshin-tshiūnn lîng-kńg-hong sàu kuè tsîng-kuan
離開你
lī-khui lí
才知龍捲風使人心寒
tsiah tsai lîng-kńg-hong sú-lâng sim-hân
含淚的悲歡
hâm-luī ê pi-huan
夢袂當閣相牽
bāng buē-tàng koh sio-khan
最後才知
tsuè-āu tsiah tsai
我愛的人
guá ài ê lâng
毋是愛我的人
m̄-sī ài guá ê lâng

是可愛可恨可憐的
sī khó-ài khó-hūn khó-liân ê
無可能的夢
bô khó-lîng ê bāng
伴心碎心疼心怨嘆
phuānn-sim tshuì-sim thiànn-sim uàn-thàn
心酸講袂完
sim-sng kóng buē uân
你是刁工來戲弄
lí sī thiau-kang lâi hì-lāng
抑是故意共阮共
ia̍h-sī kòo-ì kā gún kāng
想著你
siūnn-tio̍h lí
夜夜只有捶心
iā-iā tsí-ū tuî-sim
目箍紅
ba̍k-khoo âng

是冷風冷淡冷哀怨
sī líng-hong líng-tām líng ai-uàn
飛過阮的窗
pue kuè gún ê thang
伴冷雨冷落冷規暗
phuānn líng-hōo líng-lo̍h líng kui-àm
驚醒阮的夢
kiann-tshínn gún ê bāng
愛恨情路行到坎站
ài-hūn tsîng-lōo kiânn kàu khám-tsām
苦澀恩怨從此了斷
khóo-siap un-uàn tsiông-tshú liáu-tuān
偏偏你
phian-phian lí
夜夜鑽入阮心內
iā-iā tsǹg-ji̍p gún sim-lāi
一直亂
it-ti̍t luān

愛著你
ài tio̍h lí
親像龍捲風掃過情關
tshin-tshiūnn lîng-kńg-hong sàu kuè tsîng-kuan
離開你
lī-khui lí
才知龍捲風使人心寒
tsiah tsai lîng-kńg-hong sú-lâng sim-hân

青春帶孤鸞
tshing-tshun tài koo-luân
若無人欲成全
nā-bô lâng beh sîng-tsuân
阮甘願疼
gún kam-guān thiànn
甘願受風雨淋
kam-guān siū hong-hōo lâm

愛著你
ài tio̍h lí
阮是全天下最戇的人
gún sī tsuân-thian-hā tsuè gōng ê lâng
離開你
lī-khui lí
做著全天下最戇的夢
tsuè tio̍h tsuân-thian-hā tsuè gōng ê bāng
含淚的悲歡
hâm-luī ê pi-huan
夢袂當閣相牽
bāng buē-tàng koh sio-khan
最後才知
tsuè-āu tsiah tsai
我愛的人
guá ài ê lâng
毋是愛我的人
m̄-sī ài guá ê lâng