往事欲如何

《往事欲如何》Óng-sū beh Jû-hô
伍佰Gōo-pah
———————————-

風吹影搖移
hong tshue iánn iô-î
伴著麻黃的樹枝
phuānn tio̍h muâ-hông ê tshiū-ki
看見海面的
khuànn-kìnn hái-bīn ê
燒風拆破了雲碎
sio-hong thiah-phuà liáu hûn tshuì

難免轟轟叫
lân-bián hong-hong-kiò
海螺聽見你躊躇
hái-lê thiann-kìnn lí tiû-tî
眼前離別時
gán-tsiân lī-pia̍t sî
你是波浪伊是水
lí sī pho-lōng i sī tsuí

越頭伊毋願扯
ua̍t-thâu i m̄-guān tshé
往事欲如何
óng-sū beh jû-hô
欲將伊初戀心肝囥佇佗
beh tsiong i tshoo-luân sim-kuann khǹg tī tó
熟似你了後佗位揣
si̍k-sāi lí liáu-āu tó-uī tshuē

眼淚嘛毋願扯
gán-luī mā m̄-guān tshé
以後欲如何
í-āu beh jû-hô
我知影恁攏暫時無愛想這
guá tsai-iánn lín lóng tsiām-sî bô-ài siūnn tse
攏講無話
lóng kóng bô uē

越頭伊毋願扯
ua̍t-thâu i m̄-guān tshé
往事欲如何
óng-sū beh jû-hô
欲將伊失戀心肝囥佇佗
beh tsiong i sit-luân sim-kuann khǹg tī tó
離開你了後佗位揣
lī-khui lí liáu-āu tó-uī tshuē

海風嘛毋願扯
hái-hong mā m̄-guān tshé
白雲欲如何
pe̍h-hûn beh jû-hô
我知影恁攏暫時無愛受罪
guá tsai-iánn lín lóng tsiām-sî bô-ài siū-tsuē
愛情是假
ài-tsîng sī ké

徛在你身邊
khiā tsāi lí sin-pinn
犁頭無講半个字
lê thâu bô kóng puànn ê jī
難免轟轟叫
lân-bián hong-hong-kiò
海螺欲來藏水沬
hái-lê beh lâi tshàng-tsuí-bī